أبكي من الضيقة على صدر الأوراق .....

أبكي من الضيقه على صدر الأوراق
وآحس غير الناس دمعي حقيقي



عــوّدت خـاطـر خـاطـري كلمـا ضـاق
اجلس اواسيني وكني رفيقي



آغص بـ أول حرف من كلمة(أ)شتـاق
كن الوجع حلقي لساني وريقي



مجنون أدور ضحكتي وسـط الأسواق
واشحذ صبر كلما طعني صديقي



دوم اسكبك يالحزن حاني ورقراق
ومن غيرك انته!! ما يشوفوا بريقي



بي (لا) غريبه !!..تختنق بين الاحداق
مدري اشتبي اكثر !وصمتي حريقي !



استاهل اكثر ما يجيني من احراق
يعني شْيصير ان صحت: بس!! استفيقي !



مبطي وانا اكتب في قصيدي (الاشواق
ليني (تفلت) الشوق...من حلق ضيقي



يا مضيق بعيني مساحات الافاق
لى مات صوتي !!..وش اسوي برفيقي!



هذي حكاية ضيقتي فوق الأوراق
جيت ولقيت الـــ(آآآآآآهـ) تعرف طريقي

وسلامتكم

هلابك منور خيووو

موضوع رائع من عضوه رائعه

ننتظر المزيد والمزيد

تحياتي / بن حجر

منور يالغلا